ມາປ່ຽນສາຍເດີນທາງເພື່ອປະສົບການໃໝ່ໆກັບການນັ່ງລົດໄຟຈາກ ໜອງຄາຍ-ກຸງເທບ ຕາມມາເບິ່ງລີວິດກັນເລີຍ

ເວລາອອກ 19.15 ຮອດກຸງເທບ 06.45 ຕອນເຊົ້າ
ສຳຫລັບລາຄາລວມຈອງໃຫ້ພ້ອມ ຮອດໂມງແລ້ວໄປຂື້ນລົດເລີຍ 
ຕຽງລຸ່ມ (ມີປ່ອງຢ້ຽມ ເຫັນວິວ) 1100 ບາດ 
ຕຽງເທິງ (ບໍ່ມີປ່ອງຢ້ຽມ) 1000 ບາດ

ເລີ່ມຕົ້ນທີ່ສະຖານີຫນອງຄາຍ ຖ້ຽວທີ່ຈະໄປແມ່ນ 19.15 ແລະໄດ້ຈອງປີ້ໄວ້ລ່ວງຫນ້າແລ້ວ ມີແຕ່ແຄປຫນ້າຈໍແລະມາຮອດກ່ອນລົດອອກ 10 ນາທີກໍ່ພຽງພໍແລ້ວ
ສຳຫລັບໃຜທີ່ຍັງບໍ່ມີປີ້ ກໍ່ສາມາດມາຊື້ຢູ່ສະຖານີນີ້ໄດ້ ສຳຫລັບໃຜຢາກໄດ້ປີ້ນອນ ແນະນຳໃຫ້ຊື້ໄວ້ລ່ວງຫນ້າເພາະໂອກາດເຕັມສູງ


ນັ່ງຖ້າແປປດຽວ ກະດິ່ງຮ້ອງຂື້ນລົດກະດັງ ເຮົາກະໄປຂື້ນລົດໄຟກັນເລີຍ


ຂື້ນມາກໍ່ຈະເປັນບ່ອນນັ່ງສີແດງແບບນີ້ ສະອາດ ໃຫມ່ ຫມົດຈົດ ນັ່ງໄດ້ແປປຫນື່ງກະຊິມີພະນັກງານມາກວດເບີ່ງປີ້ເດີ້ ກະຢື່ນໃຫ້ເພີ່ນເບີ່ງເລີຍ.



ທາງຍ່າງກໍ່ຈະເປັນແບບນີ້ ອັນນີ້ຖ່າຍຫລັງຈາກເກັບຕຽງຕອນເຊົ້າ ກອງຂາວໆຄືຜ້າຫົ່ມແລະຜ້າປູທີ່ເຮົາໃຊ້ແລ້ວ ພະນັກງານກໍ່ຈະມາເກັບເພື່ອເອົາໄປຊັກ


ພະນັກງານຈະແຈກນຳ້ດື່ມນ້ອຍ 1 ຕຸກ


ຢູ່ລະຫວ່າງຕູ້ກະຊິມີປະຕູແບບເປິດປຸ່ມເຂົ້າອອກໄດ້ແບບນີ້ ສ່ວນທາງເທິງກໍ່ຈະເປັນຈໍສະແດງວ່າຕອນນີ້ລົດໄຟແລ່ນມາຮອດໃສ ອີກຈັກນາທີຮອດປາຍທາງ
ທາງເທິງຂອງຈໍແມ່ນກ້ອງວົງຈອນປິດ ປອດໄພຫາຍຫ່ວງແຕ່ກະບໍ່ປະຫມາດເດີ້


ກະຈະມີບອກຊື່ສະຖານີກ່ອນຫນ້າ ສະຖານນີເລີ່ມຕົ້ນແລະສະຖານີປາຍທາງ ອຸນຫະພູມທາງໃນແລະທາງນອກ ໃຜຂີ້ຫນາວແນະນຳຖືເສື້ອແຂນຍາວຕິດໄປນຳເດີ້ ເດິກໆຫນາວຢູ່
*ເປັນຮູບຖ່າຍຕອນຂາກັບເດີ້

ອັນນີ້ຈະເປັນຕຽງນອນລຸ່ມ ຈະມີຫມອນ ຜ້າຫົ່ມໃຫ້ ລະກະຫົວຕຽງຈະມີປັກສາກໂທລະສັບຫລືຄອມ ສະນັ້ນຕຽມສາຍສາກໄປເດີ້ ຕື່ນມາແບດຈະໄດ້ເຕັມ ພ້ອມໃຊ້ງານ. 
ສຳຫລັບຄົນສູງກະນອນໄດ້ເດີ້ ແຟນສູງ 175 ກະຍັງເຫລືອໆ 
ເລື່ອງຄວາມກວ້າງຂອງຕຽງ ເຫລືອເຟືອ ທັ້ງນອນ ທັ້ງວາງກະເປົາ ວາງຄອມໄດ້ສະບາຍໆ


ອັນນີ້ຕຽງເທີງ ຈະບໍ່ມີປ່ອງຢ້ຽມ ແຕ່ກະຊິມີຜ້າປູຕຽງ ຜ້າຫົ່ມ ຫມອນຄືທາງລຸ່ມຫມົດທຸກຢ່າງ
ແຖມ ເຫລັກກັ້ນກັນຄົນນອນຕົກຕຽງ
ປັກສຽບບໍ່ແນ່ໃຈວ່າມີບໍ່ ຄັນໄປເທື່ອຫນ້າຈະມາອັບເດດ


ຈະມີຜ້າກັ້ງກັ້ນລະຫວ່າງກັນ ກັ້ນລະຫວ່າງທາງຍ່າງ ເປັນສ່ວນໂຕດີ. ສ່ວນໃຜທີ່ຢ້ານເລື່ອງຄວາມປອດໄພຈະມີຕູ້ຂອງຜູ້ຍິງໂດຍສະເພາະນຳເດີ້ ແຕ່ເຕັມໄວຢູ່. 
ແຕ່ມື້ນີ້ໄດ້ນັ່ງຕູ້ທຳມະດານິແຫລະເພາະວ່າຕູ້ຍິງເຕັມ ແຕ່ບໍ່ຢ້ານເລື່ອງຄວາມປອດໄພ ມີພະນັກງານຂອງການລົດໄຟຍ່າງເລາະຫມົດຄືນ ໄຟກະເປິດແຈ້ງຫມົດຄືນເຊັ່ນກັນ ກ້ອງວົງຈອນປິດກະມີ



ຫ້ອງນຳ້ ສະອາດດີ ຊັກໂຄກໂອເຄ ມີທິດຊູ້ ມີບ່ອນລ້າງຫນ້າຢູ່ທາງນອກຫ້ອງນຳ້ 
ໂດຍລວມໃຫ້ຜ່ານ ເຫມາະສຳຫລັບຄົນທີ່ຟ້າວໄປວຽກໄປງານຫລືບໍ່ຢາກນອນຄ້າງກຸງເທບ ບໍ່ຢາກເສຍຄ່າໂຮງແຮມ ວິທີນີ້ກະປະຫຍັດດີ


ຂໍຂອບໃຈເພຈ muii TICKET ທີ່ໃຫ້ຂໍ້ມູນດີໆມາຝາກ

———————————–
ລາວຮ໋ອດຮິດ See New. Hear New. Feel New.

One thought on “ມາປ່ຽນສາຍເດີນທາງເພື່ອປະສົບການໃໝ່ໆກັບການນັ່ງລົດໄຟຈາກ ໜອງຄາຍ-ກຸງເທບ ຕາມມາເບິ່ງລີວິດກັນເລີຍ

  • November 8, 2017 at 5:27 pm
    Permalink

    ຢາກຖາມວ່າຕຽງນອນນະນອນສອງຄົນກະໄດ້ຫວາ ພໍດີຢາກໄປກັບແຟນລະບໍ່ຢາກແຢກກັນນອນ ລະລາຄາ 1100 ບາດສຳລັບຕຽງລຸ່ມແມ່ນລາຄາຖ້ຽວດຽວຫວາ ຫຼື ໄປກັບ

    Reply

Leave a Reply

Your email address will not be published. Required fields are marked *

Show Buttons
Hide Buttons